Wirageetha | විරාගීත by Tishan Panindu Widane

අපිට සමාජයට බයේ ජීවත් වෙන්න අමාරුයි. අපි කරන්න ඕන හැමෝම හැම වෙලේම බලාපොරොත්තු වෙන දේ නෙමෙයි. අපි ඒ වෙලාවට කරන්න ඕනි දේ…එහෙම හිතලා වැඩ කරනවා නම්, සමහරවිට අපිට වරදින්න පුළුවන් තමයි. ඒත් ඒ සමාජය ඉදිරියේදී විතරයි…ලෝකය ඉස්සරහ විතරයි. අපේ හෘද සාක්ෂිය ඉස්සරහා අපි වැරදි නෑ.

අපිට අන්තිමට වටින්නේ අපේ හදවත කියන දේ විතරයි විනෝද්…සමාජය, ලෝකය වෙනස් වෙනවා. හදවත් වෙනස් වෙන්නේ නෑ. අපි හරි බව අපි දන්නවා නම් ඒ ඇති ඇත්තටම. ලෝකයම පස්සේ කාලෙක ඒ ගැන දැනගනියි; අපිව තේරුම් ගනියි. ලෝකය ඒ වෙනුවෙන් කොච්චර පරක්කු වුනත්, අපිට දුක් වෙන්න දෙයක් නෑ. ඒක අපේ පරක්කුවක් නො වෙන නිසා. ලෝකය, සමාජය දුක් වෙයි; අපිව තේරුම් ගන්න මේ තරම් කල් ගියා නේද කියලා.